Fier, denoncohen ndertimet pa leje

Sipas burimeve zyrtare te Inspektoratit Ndertimor ne Bashkine e Fierit, 160 ndertime pa leje qe kane filluar te ndertohen jane identifikuar gjate diteve te fundit.

Duke ju referuar kreut te Inspektoratit Ndertimor ne Bashkine e Fierit, Sabaudin Alliaj, ne pjesen me te madhe te nderhyrjes se ruspes se Ndertimores per prishjen e objekteve pa leje, qytetaret qe i kishin ndertuar jane treguar te gatshem, por ka pasur edhe raste te vecanta kur jane krijuar perplasje dhe eshte dashur nderhyrja e policise bashkiake dhe e asaj te rendit.

Vete komshinjte e ndertuesve pa leje, te cilet demtohen ne shume menyra nga ky fenomen, kane denoncuar prane bashkise dhe Inspektoratit Ndertimor fillimin e punimeve. Autoritetet kane urdheruar shembjen e ndertimeve ne 50 per qind te rasteve te identifikuara, ndersa deklarojne se do te vijojne shembjen e pjeses se mbetur gjate diteve te ardhshme.

Bilanci i punes se Inspektoratit Ndertimor gjate tre muajve te fundit tregon se jane prishur mbi 200 ndertime pa leje, nderkohe qe numri i objekteve pa leje evidentuar gjate javeve te fundit e con ne me shume se 360 bilancin e objekteve pa leje, te cilat kane cenuar me ndertimin e tyre urbanistiken e qytetit te Fieri.

Nje pjese e mire e ketyre ndertimeve pa leje kane qene edhe pengese per investimet e bashkise. Objektet e ekzekutuara me prishje kane qene te nje karakteri te tille, si garazhe, dyqane ne porten apo bahcen e shtepise, si dhe mure rrethuese. Keto objekte pa leje jane konstatuar ne te kater rajonet e qytetit te Fierit.

Vendimin per ekzekutimin me prishje te ketyre objekteve pa leje e ka marre Keshilli i Rregullimit te Territorit ne Bashkine e Fierit, pasi ato cenonin rregullat e urbanistikes si dhe pengonin investimet e bashkise ne infrastrukture.

Po ashtu, per cdo nderhyrje me prishje te objektit eshte mbajtur procesverbal, cka deshmon me se miri rivleresimin e nderhyrjes se Inspektoratit Ndertimor.

Top Channel