Nafta shqiptare, ne veshtiresi financiare
17/08/2009 08:55
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Disa prej kompanive qe veprojne ne nxjerrjen e naftes bruto ne Shqiperi njoftuan rezultate financiare negative per gjashtemujorin e pare te ketij viti, pavaresisht rritjes se prodhimit. I gjithe sektori i nxjerrjes se naftes ne Shqiperi po has veshtiresi te konsiderueshme financiare, te shkaktuara nga renia e cmimeve te naftes ne tregun boteror.
Si pasoje e veshtiresive, kompania publike “Albpetrol” ka vonuar deri shlyerjen e pagave te naftetareve gjate muajve te fundit, ndersa u detyrua te hyje ne kredimarrje bankare, per te shlyer detyrimet afatshkurtra.
Kompanite e tjera private kane pezulluar perkohesisht investimet ne hapjen e puseve te reja apo mirembajtjen e atyre ekzistuese. Edhe kompanite e huaja u detyruan te konvertojne kredite ne aksione, kur u perballen me pamundesine per te respektuar detyrimet e veta.
Cmimi
Gjate gjysmes se pare te vitit 2008, nafta e zones Fier-Mallakaster mund te shitej ne tregun nderkombetar per 64 dollare per fuci, nderkohe qe cmimi i naftes se Detit te Veriut, Brent, varionte ne rreth 120 dollare per fuci.
Por ne tremujorin e pare te ketij viti, renia e cmimit mesatar te naftes ne Londer ne me pak se 45 dollare, solli edhe renien e cmimit te naftes shqiptare ne me pak se 25 dollare.
Nafta e nentokes shqiptare konsiderohet e cilesise se ulet dhe cmimi i saj eshte zakonisht me pak se gjysma e cmimit te naftes se Detit te Veriut, qe shitet ne bursen e Londres.
Ne menyre qe nafta shqiptare te prodhoje fitime, duhet qe cmimi ne tregun nderkombetar te stabilizohet ne mbi 70 dollare per fuci, gje qe ndodhi vetem gjate muajit te fundit. Gjate tremujorit te dyte, cmimi i naftes ne Londer ishte me pak se 59 dollare per fuci.
Investimet pezull
Kater kompani aktualisht jane ne faze prodhimi te naftes bruto ne Shqiperi, njera prej te cilave eshte shteterorja “Albpetrol” ndersa tre te tjerat jane koncesione te huaja.
Kompanite private filluan nje faze investimesh te fuqishme ne vitet 2007-2008, duke zbatuar edhe teknologji shume te kushtueshme si puset horizontale, kur u pa se cmimet e naftes ne bote po shkonin vetem per larte.
Viti 2008 ishte i arte si per sa i perket investimeve, ashtu edhe fitimeve. Gjate vitit te kaluar, ne Shqiperi u prodhuan rreth 600 mije tone nafte bruto, nga te cilat 324 mije tone u perpunuan ne Shqiperi, ndersa pjesa tjeter u eksportua, kryesisht ne Itali.
Ne vitet ‘80, Shqiperia arriti te prodhoje deri ne 2 milione tone nafte ne vit. Edhe prodhimi i nenprodukteve te naftes gjate tre viteve te fundit ka ardhur ne renie ne vendin tone.
Top Channel
