Shkoder, tregu shnderrohet ne parking

16/08/2009 08:55

Tregu i fruta-perimeve ne plazhin e Velipojes, qe nga koha kur eshte ndertuar, asnjehere nuk ka sherbyer si i tille. Tashme eshte kthyer ne parking automjetesh.

Fshataret e zones vazhdojne te tregtojne prodhimet e tyre ne rruge te ekspozuara ne pluhur. Shkak i kesaj situate, sipas fermereve, eshte bere fakti se tregu i ri u ndertua ne nje vend te papershtatshem per tregtim, pasi klientet nuk vijne aty per te blere, se nuk jane mesuar me kete vend te ri.

Ata e pranojne se kushtet ku shesin prodhimet lene shume per te deshiruar dhe tregu i ri ka qene i domosdoshem, por vendndodhja e tij nuk ishte e pershtatshme.

Tregu i ri, duke pasur nje siperfaqe te madhe, te gjithen te mbuluar me tende, tashme eshte kthyer ne nje parking me hije per automjete te ndryshme.

Ne kete periudhe sezoni turistik, parkimi i automjeteve eshte edhe nje nga bizneset e mira ne plazh dhe ky treg po e kryen mjaft mire funksionin e parkingut.

Situata duket ironike kur lexon nje tabele ku shkruan “Tregu i fruta-perimeve” dhe poshte saj shikon makina te parkuara.

Te pyetur ne lidhje me gjendjen e tregut, drejtues te Komunes Velipoje shprehen se “tregu i ri eshte ndertuar ne qender te plazhit me te gjitha kushtet, por edhe ne e kemi pare se fshataret kane pasur veshtiresi ne tregtimin e prodhimeve te tyre, pasi pushuesit jane mesuar te blejne te rruga e plazhit.

Ndertimi i tregut aty ku shesin aktualisht fshataret eshte i pamundur, pasi eshte shume afer detit dhe me planin e ri rregullues te plazhit, ajo zone do te pastrohet. Ndaj ne nje te ardhme te afert fshataret do te jene te detyruar te futen ne tregun e ri”.

Top Channel