Kreditimi, lehtesim, por larg normalitetit

16/08/2009 11:45

Procedurat e kreditimit ne Shqiperi vijojne te jene shume te ngurta dhe te shtrenguara, pavaresisht se ne tremujorin e dyte te ketij viti, bankat e kane leshuar disi doren, behet e ditur nga nje vezhgim i Bankes se Shqiperise.

Nje pjese e konsiderueshme e bankave raportuan gjate tremujorit te shkuar lehtesim te kushteve te kreditimit per biznesin dhe ne nje shkalle me te vogel per individet. Por ky lehtesim nuk nenkupton kthim ne normalitet, pasi kushtet qe klientet duhet te plotesojne per te marre kredi jane ende shume me te forta sesa vitin e kaluar.

“Faktoret kryesore nxites te politikes shtrenguese te bankave vijojne te jene vleresimi i tyre per situaten makroekonomike, problemet specifike te sektorit ku operojne bizneset, si dhe gjendja financiare e individeve”, thote vrojtimi.

Edhe kredimarresit duket se i jane kthyer me shume bankave gjate tremujorit te dyte, duke dhene shenja lehtesimi. Gjate tremujorit te pare te ketij viti, se bashku me shtrengimin e kushteve nga ana e bankave, pati edhe nje interesim shume me te vogel te kompanive dhe individeve per te hyre ne kredi. Per pasoje, sasia e kredise se re te akorduar nga sistemi bankar ne gjysmen e pare te vitit ishte mesatarisht tre here me e ulet sesa kredia e re e leshuar ne gjashtemujorin e pare te vitit te kaluar.

“Pritjet e bankave per tremujorin e trete te vitit 2009 çojne drejt nje zbutjeje te metejshme te shtrengimit te standardeve per te dyja kategorite e biznesit, si dhe per kredine dhene individeve. Per sa i perket kerkeses per kredi, bankat vleresojne se ajo do te vijoje prirjen rritese si nga individet ashtu edhe nga korporatat dhe ndermarrjet e vogla e te mesme”, thote Banka e Shqiperise.

Politika shtrenguese e bankave gjate tremujorit te dyte eshte realizuar kryesisht nepermjet rritjes se marzhit mesatar per kredite qe bankat vleresojne si me me rrezik dhe rritjes se kerkeses per kolateral ne raport me madhesine e kredise. Gjate vrojtimit te tremujorit te dyte te vitit 2009 eshte vene re ulje e perdorimit te instrumenteve te tille si: rritja e marzhit mesatar per kredite, ulja e madhesise se kredise dhe ulja e maturitetit maksimal te kredise krahasuar me tremujorin e kaluar si kushte me te cilat bankat zbatojne politiken e tyre shtrenguese te kredidhenies.

Kerkesa neto e bizneseve per kredi eshte rritur disi ne krahasim me tremujorin e kaluar, megjithese kerkesa e ndermarrjeve te vogla dhe te mesme mbetet ne nivele negative. Sipas qellimit te perdorimit te kredise, kerkesa neto per kredi per investim ka njohur rritje, ndersa kerkesa per kapital qarkullues eshte paraqitur pozitive. Faktoret kryesore qe kane nxitur kerkesen e bizneseve per kredi, sipas opinionit te eksperteve te bankave, kane qene nevoja per financimin e kapitalit qarkullues, pakesimi i perdorimit te burimeve alternative te financimit, si dhe vendimet e Bankes se Shqiperise. Nderkohe nevoja per financimin e investimeve eshte vleresuar si nje faktor jo i rendesishem per te nxitur kerkesen e bizneseve per kredi prane bankave.

Top Channel