Tirane, qindra kerkesa per mesues

Jane me qindra dosjet e dorezuara ne Drejtorine Arsimore Rajonale te Tiranes, ku perjashtim nuk ben as ajo e rrethit dhe as e qytetit. Te dyja perballen me nje fluks te madh te interesuarish per nje vend pune. Por mundesite duket se jane minimale ne raport me kerkesat. Shpresa me e madhe per kandidatet  e rinj per mesues, apo ata qe kerkojne te transferohen nga njeri qytet ne Tirane, apo nga njera shkolle e sistemit 9-vjecar ne ate te mesme, si mundesine me te madhe konsiderojne mesimdhenien ne vitet e para te gjimnazeve.

Ndonese nje pjese e shkollave te kryeqytetit bejne te ditur se mund te mbulojne ne pjesen me te madhe te rasteve me stafin aktual edhe ngarkesen e viteve te para serish nevoja ka. Vitin e kaluar ne shkollat e mesme nuk kishte vite te para per shkak te ndryshimit te sistemit nga tete ne nentevjecar.

Por kete vit, situata duket me e favorshme per arsimtaret, si per kandidatet e rinj qe sapo kane perfunduar studimet ashtu edhe per te transferuarit.    

         
Perfaqesues zyrtare te  Drejtorise Arsimore Rajonale te Tiranes pohojne se numri i dosjeve me kerkesa per punesim ne njeren nga shkollat e kryeqytetit sa vjen dhe shtohet cdo dite. Nga ana tjeter, ata pohojne se punesimi i te gjitha ketyre kerkesave eshte plotesisht i pamundur.

Mesohet se numri me i madh i aplikimeve per nje vend pune ne kete drejtori eshte nga femrat. Ato kane perfunduar studimet ne  deget e Gjuhes dhe Letersise, Historise, Gjeografise, Shkencat Sociale si Filozofi apo Sociologji e natyrisht nuk mungojne as te sapodiplomuarat ne shkencat ekzakte, si Matematike, Fizike, Kimi etj.
Ne drejtori mesohet gjithashtu, se shqyrtimi i kerkesave ne arsim, si dhe dosjet e reja do te fillojne te “shoshiten” ne ditet e para te shtatorit.

Muaji gusht, si periudhe pushimesh nuk ka qene edhe aq intensiv per Drejtorine Arsimore ne Tirane ashtu sikunder edhe te gjitha institucionet e tjera shteterore, per shkak se nje pjese e konsiderueshme e punonjesve kane marre lejen vjetore.

Megjithate, nje grup pune ne kete institucion eshte ende duke punuar per t’u dhene drejtim puneve te shperndarjes se stafit mesimor ne vitin e ri shkollor.

Nga ana tjeter, ne drejtorine arsimore kryeqytetase nuk mungojne as dosjet apo kerkesat e arsimtareve, te cilet per nje arsye ose nje tjeter kane lene vendbanimet e tyre te meparshme dhe kane vendosur te jetojne ne Tirane, e per rrjedhoje edhe te punesohen ne profesionin e tyre ne metropol.
Zyrtare te arsimit pohojne se menjehere sapo te perfundoje sistemi i mesuesve aktuale ne te gjitha shkollat e sistemit baze dhe parauniversitar, do te shihen mundesite per punesime te reja. Por, per keto, shprehen te njejtet zyrtare, rregullat jane te percaktuara me ligj. Te gjithe ata qe do te punesohen ne sistemin arsimor kryeqytetas duhet t’i nenshtrohen me pare testimit.

Vetem nje numer i caktuar, qe do te jete i barazvlefshem me nevojat, do te marre emerimin per te dhene mesim ne njeren nga shkollat e Tiranes. Testimi, pervec paraqitjes se CV-se personale konsiston edhe ne nje pyetesor qe provon dijet dhe aftesite e kandidateve. Gjithashtu, kualifikimet pasuniversitare dhe botimet individuale ose ne grup kane vlere ne konsiderimin e pergjithshem te secilit kandidat.  
 

Top Channel