Politekniku, ne dhjetor mbyll fazen e pare te akreditimit

Dhe pas permbylljes se procedurave te detyruara prane Ministrise se Arsimit, ky institucion i arsimit te larte do t’i nenshtrohet edhe vleresimit perfundimtar, atij te jashtem. Vetem pas permbylljes se ketyre dy fazave Universiteti Politeknik ne Tirane do te konsiderohet si i akredituar dhe diplomat e leshuara prej tij do te kene vleren qe meritojne jo vetem ne tregun e brendshem te studimeve te larta. 

      
Behet e ditur se Universiteti Politeknik i Tiranes eshte ende ne fazen e procesit te akreditimit te brendshem te tij, ndryshe nga disa universitete te tjera publike, te cilat do te fillojne akreditimin e jashtem, nepermjet agjencive te huaja.
Rektori i Universitetit Politeknik te Tiranes, Jorgaq Kacani, njekohesisht kryetar i Konferences se Rektoreve premton se ne muajin dhjetor do te mbaroje vetevleresimi institucional dhe me tej do te mendohet per procesin e akreditimit.

“Do te vazhdoje procesi i vleresimit te brendshem dhe pasi te jete formuluar i gjithe dokumentacioni i vleresimit te brendshem per sa i perket se pari per programet e studimit, se dyti per te gjithe aktivitetin ekonomik, financiar, menaxherial, te cilet jane elemente per akreditimin e nje institucioni, atehere do te plotesohet dosja, qe besoj deri ne dhjetor do t’i dorezohet Ministrise se Arsimit.

Pas kesaj, Ministria e Arsimit vendos per dergimin e agjencise se akreditimit”, sqaron Jorgaq Kacani, rektor i Universitetit Politeknik te Tiranes.

Ne ligjin e arsimit te larte, qe ka vetem dy vjet qe eshte miratuar dhe ka pesuar nje seri me ndryshime, thuhet qartesisht qe ne rastet kur nje institucion nuk eshte i akredituar, diplomat e ketij te fundit nuk njihen ne tregun e punes. Por, sipas kreut te Politeknikut, eshte ne dore te vete studenteve te zgjedhin universitetet, ku deshirojne te studiojne. Kjo, pasi shumica e tyre jane ende ne proces akreditimi, ose nuk e kane nisur ende ate.

“Nuk eshte pergjegjesia as e ministrise, qe ta mbylle ate institucion, nuk eshte pergjegjesi as e vete institucionit per te mbyllur veten e vet, eshte pergjegjesia e atij studenti qe duhet te zgjedhe ne cilin institucion te arsimit te larte do te shkoje te shkollohet. Do te shkoje ne nje institucion te arsimit te larte, i cili eshte i akredituar, qe i jep atij mundesi me shume per t’u punesuar, i jep mundesine atij te shkoje jashte shtetit dhe te beje te mundur transferimin e krediteve, pasi akreditim do te thote besueshmeri”, theksoi me tej Kacani.

Nje nga universitetet publike, qe do te filloje procesin e akreditimit, eshte Universiteti i Tiranes. Ky proces pritet te filloje ne muajin shtator, dhe do te behet nga nje agjenci e huaj gjermane.  

Top Channel