Pushime per jetimet e qendrave sociale

12/08/2009 08:35

Me canta plazhi ne duar dhe te shoqeruar me edukatoret e tyre, femijet e shtepise se femijes “Zyber Hallulli” nisen disa dite ne jave drejt pishinave, ne perendim te Tiranes, prane Liqenit Artificial.

Ashtu si femijet e shtepise “Zyber Hallulli”, ne Tirane pushime verore jane organizuar edhe per qindra femije te tjere te sistemuar ne qendrat publike ne Durres, Shkoder, Korce, Vlore dhe Sarande, bejne te ditur autoritete te Ministrise se Punes.

Femijet te “Zyber Hallulli” tashme e dine programin dhe pasi konsumojne shpejt e shpejt mengjesin ne institucion, nxitojne te behen gati dhe te mblidhen ne oborr, per t’u nisur sa me pare drejt pishinave. Keto dite te nxehta vera, disa nga shoket e tyre kane shkuar per t’i kaluar pushimet prane familjeve apo te afermve te tyre dhe ata qe ndodhen ne institucion, te gjithe femije te grupmoshes 6-14 vjec, perdite i gezohen freskise, lojerave dhe argetimeve ne ambientet e kompleksit “Akuadromi” ne Tirane.

“Femijet do te drekojne ne ambientet e ‘Akuadromit’ dhe do te qendrojne ketu deri pasdite”, sqaron njera prej edukatoreve te shtepise “Zyber Hallulli”. Ajo sqaron me tej se kjo vere per femijet nisi me disa dite pushimi te organizuara ne qershor ne liqenin e Pogradecit, ndersa gjate muajit korrik dhe gusht femijet frekuentojne ambientet e pishinave. Pas 10 ditesh femijet do te pushojne per rreth nje muaj ne bregdetin e Velipojes dhe Shengjin.

Gjithsej, ne qendrat publike per femije ne te gjithe vendin trajtohen 350 femije te moshes nga 0-14 vjec. Stafet e qendrave te femijeve bejne perpjekje qe gjate pushimeve femijet te perjetojne eksperienca te ngjashme me bashkemoshataret e tyre, duke shijuar kenaqesine e plazheve apo pishinave, me qellim qe t’ua bejne me te lehte edhe mungesen e familjes.

Top Channel