Ata qe kane vendosur te heqin dore nga pushimet e ketij sezoni veror dhe te fokusohen teresisht ne pune me orar te zgjatur jane dentistet.
Mjeket stomatologe gjate ketij sezoni turistik detyrohen te sakrifikojne ore te tera nga pushimi i tyre i zakonshem per t’ju perkushtuar klienteve te shtuar te veres. Jane te shumte emigrantet qe kthimin e tyre ne atdhe per pushime apo pajisje me dokumente e shfrytezojne edhe per te kryer nje nga sherbimet me te shtrenjta ne Europe dhe ne bote, ate stomatologjik.
E ndersa kryerja e ketij sherbimi per ta, ne vendet ku kane shkuar per te gjetur nje te ardhme me te mire, do t’u kushtonte shtrenjte, ne atdhe kane ende mundesi qe te shijojne cmime te lira. Vete dentistet pohojne se oraret e tyre ditore jane plot me kliente, pjesa me e madhe e te cileve jane emigrante te kthyer ne atdhe per te pushuar. Por, sipas mjekeve stomatologe, nuk perjashtohen as rastet e te huajve.
“Kane degjuar se tarifat qe aplikojme ne jane te lira dhe u leverdis qe pervec pushimeve ketu te shfrytezojne edhe kete sherbim, pohojne stomatologet. Nga ana tjeter, keta te fundit ankohen lidhur me ate qe e konsiderojne edukate te munguar shendetesore te shqiptareve. Vijne ne klinike vetem kur kane dhembje dhe nuk kujtohen te kryejne kontrolle periodike, ne menyre qe shendeti oral te mos u degradoje”, shprehen dentistet.
Top Channel
