Pasaportat biometrike, vetem 80 mije vete

06/08/2009 15:15

Pajisja ne nje numer te vogel te qytetareve me pasaporte biometrike eshte kushti kryesor qe Shqiperia nuk ka permbushur ende per te marre nje vendim pozitiv nga Brukseli per liberalizimin e vizave.

Por autoritetet shqiptare, duke pare numrin ne rritje te aplikimeve, menjehere pas zgjedhjeve, besojne se deri ne fund te vitit do te kene nje shifer bindese per zyrtaret europiane qe monitorojne plotesimin e kushteve nga Shqiperia.

Sipas drejtorit te Pergjithshem te Gjendjes Civile, Armand Teliti, deri me sot kane aplikuar per pasaporta biometrike rreth 80 mije shtetas shqiptare dhe gjate muajit korrik fluksi llogaritet ne 2000-2200 aplikime ne dite.

Duke iu referuar pervojes se vendeve te rajonit qe kane marre vendimin e liberalizimit te vizave nga Brukseli, zoti Teliti nxit qytetaret te bejne bejne aplikimin per te patur nje perfitim konkret.

“Me nje vendim te pritshem ne 6-mujorin e pare, nese BE liberalizon vizat, cdo qytetar me pasaportat biometrike leviz i lire ne Evrope”, u shpreh Teliti.

Por dikush qe ka nje vize ne pasaporten aktuale cfare duhet te beje? Ketu duhet patur kujdes, sepse me te marre pasaporten biometrike, dokumenti aktual, del menjehere jashte perdorimit.

Megjithate nje rrugedalje per te mos djegur vizen dhe njekohesiht te aplikosh per pasaporten biometrike ekziston.

Personat qe kane nje vize te vlefshme ne pasaporte mund te aplikojne dhe ta terheqin pasaporten biometrike atehere kur viza skadon.

Megjithate kjo nuk mund te vazhdoje gjate pasi pasaportat aktuale do te dalin jashte perdorimit ne janar te vitit 2011 dhe kjo duket se do te jete e vetmja mase shtrenguese qe qeveria do te ndermarre per pajisjen e qytetareve me pasaporta biometrike, ndryshe nga sa veproi me kartat e identiteti.

“Karta eshte dokumenti i detyrueshem per t’u pajisur, ndersa pasaporta eshte ne interesin e qytetarit qe ta kete. Qeveria nuk duhet te marre masa shtrenguese, pasi procesi do te vije natyrshem”, u shpreh Teliti.

Top Channel