Turi i inaugurimeve post elektorale e ka cuar kryeministrin Sali Berisha ne qarkun e Vlores, ku mori pjese ne nisjen e ndertimit te nje segmenti, nje investim i buxhetit prej 87 milione lekesh.
Duke perseritur premtimin elektoral per te patur Vloren ne qender te vemendjes per rritjen e investimeve, zoti Berisha tha se fuqizimi i Vlores i qender industriale dhe turistike, ku do te punesohen disa mijera persona eshte nje nder prioritetet e tij krysore bashke me zhvillimin e zonave rurale.
“Ne mbetemi te vendosur te mbeshtesim fermeret e Vlores, te financojme cdo rrenje ulli, çdo dru frutor apo vresht te mbjelle prej tyre, sikunder do te reduktojme akcizen per siperfaqet e mbjella. Pensionet ne fshat ne krye te kater viteve do te jene te barabarta me ato te qytetit”, tha Berisha.
Kryeministri Berisha shprehu bindjen se duke kthyer premtimet ne vepra, pas 4 vitesh ai do te marre serish votebesimin e zgjedhesve shqiptare per nje mandat te trete qeverises.
“Keshtu ne do te vazhdojme te festojme fitoren jo me fjale, por me inaugurimin e rrugeve, ujesjellesve, shkolla, qendrave shendetesore, te plantacioneve te ullinjve, vreshtave deri ne qershorin e vitit 2013, muaj ne te cilin ne do te shenojme fitore tjeter te madhe, te cilen ne e meritojme. Ne e ndertojme fitoren mbi veprat tona, mbi premtimet dhe fjalet tona”, tha Berisha.
Top Channel