Ministria e Financave ndryshon rregullat
16/07/2009 09:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Vitet e fundit, stina e veres ne vendin tone shoqerohet me aktivitete promocionale dhe shitje me ane te lotarise. Konkurrenca ne treg detyron kompanite e pijeve, celulareve etj., qe te shtojne ofertat e tyre per produkte te caktuara, me ane te lotarise.
Ky aktivitet deri tani kontrollohej plotesisht nga Ministria e Financave, pasi mungonte baza ligjore. Shume shoqeri krijonin fitime shtese duke shitur produkte dhe sherbime me lotari, por nuk tatoheshin si biznese lojerash fati. Tani rregullat do te ndryshojne, duke i bere me transparente si menyren e realizimit te lojes me lotarine ashtu edhe fituesin.
Konkretisht, lojerat e fatit, promocionale, mund te organizohen nga organizatoret edhe duke e ofruar produktin falas ose me çmim, duke i dhene klientit nje kupon ose nje bilete.
Ne kete pike, ministria sqaron se do te jete e ndaluar shitja e produktit ose dhurimi i tij me kosto shtese per klientin. Shpallja e fituesit do te behet ne pranine e njerit prej perfaqesuesve te njesise se mbikeqyrjes se lojerave te fatit.
Para se te kryhet lotaria, shoqeria private duhet te marre autorizimin nga Ministria e Financave nje muaj para procesit, me detyrim 200 mije leke. Pjesemarresit ne loje duhet te jene persona te identifikueshem (te pakten ne çastin e marrjes se çmimit) nga organizatori i lojes.
Per lojen promocionale me ane te mesazheve (sms), shoqeria duhet te deklaroje, jo vetem per pjesemarresit ne loje, por edhe ne rregulloren: koston e mesazhit, e cila nuk mund te kaloje vleren 100 leke me TVSH.
Per lojen promocionale me telefonata duhet te deklaroje jo vetem per pjesemarresit ne loje, por edhe ne rregulloren e lojes: koston e nje telefonate, me ose pa TVSH, e cila nuk mund te jete me e larte se 200 (dyqind) leke/telefonate, pa TVSH; numrin ku duhet te dergohet dhe operatorin qe ofron sherbimin.
Ne rast se organizatori e kryen ndarjen e çmimeve pa njoftuar drejtorite perkatese, subjektit i hiqet e drejta per autorizim, per nje periudhe 3-vjeçare, pas perfundimit te afatit te autorizimit te leshuar dhe organet tatimore kryejne rivleresimin e situates se tij financiare, sipas ligjit “Per procedurat tatimore”. Po ashtu, organizatori i lojes duhet te mbaje per nje periudhe jo me pak se 6 vjet, te gjithe dokumentacionin per lojen promocionale te fatit (menyren e zhvillimit, numrin e pjesemarresve, çmimet e shperndara, emrat dhe adresat e fituesve etj.)
Top Channel
