E padit, nuk i jep parate e babait te vdekur

Behet fjale per 320 mije dollare qe kerkon denoncuesi, i cili pretendon se ortaku i babait te tij nuk ia jep, ashtu siç i takojne me ligj.

Denoncimi per kete rast eshte bere ne Drejtorine e Policise se Tiranes, nderkohe qe policia ka nisur procedurat per dokumentimin e plote te rastit. Burimet policore te kryeqytetit bene te ditur se Gentian K., 34 vjeç, ka denoncuar kete rast te seksioni kunder krimit ekonomik.

Ai ka treguar se gjate viteve 2007-2009, Kastriot I., 46 vjeç, i kane marre nepermjet mashtrimit 320 mije dollare. Me tej, Gentiani ka rrefyer se babai i tij ka qene ortak me Kastriotin ne nje agjenci tregtare. Por, ai ka vdekur para disa kohesh dhe ketij i ka lindur e drejta qe te marre pasurine.

Policia shpjegon se ne keto kushte, 34-vjeçari ka kerkuar pjesen e babait, si ortak ne agjencine tregtare. Por, keto para nuk i jane dhene asnjehere nga 46-vjeçari, e ne keto kushte eshte detyruar ta denoncoje.

Gjithashtu, ai ka shpjeguar se ka perdorur gjithe menyrat ligjore qe t’i mbushe mendjen ortakut per pasurine, por nuk ia ka dale mbane.

Policia, e cila ka regjistruar denoncimin e tij, ka marre ne dispozicion edhe dokumentet perkatese qe i dispononte Gentiani dhe ka vendosur te shqyrtoje kete çeshtje nen drejtimin e prokurorit.

Gjithashtu, grupi hetimor ne seksionin e antikrimit ekonomik beri te ditur se ka kontaktuar edhe me personin e denoncuar, por nuk shpjegoi nese atij i eshte marre deklarate per te treguar variantin e tij.

Por, shpjegoi se pas konsultimeve edhe me prokurorin e çeshtjes e ka derguar kete person per ndjekje penale ne gjendje te lire.

Sipas policise, ashtu siç eshte denoncuar, Kastrioti dyshohet se me ane te mashtrimit i ka marre 320 mije dollare Gentianit gjate vitit 2007-2009. Kjo çeshtje tashme do te shqyrtohet nga Prokuroria e Tiranes.

Top Channel