Durres, plagosen dy kamariere

10/07/2009 14:15

Nje sherr i vjeter mes dy emigrantesh ka shkaktuar plagosjen e dy kamariereve te nje lokali ne plazhin e Durresit. (UPDATE)

Ngjarja ka ndodhur naten e vone te se enjtes ne sektorin “Hekurudha” te plazhit, ndersa ne oret e para te dites se sotme eshte bere arrestimi ne flagrance i njerit prej autoreve te ngjarjes.

Leonard Lusha, 32 vjeç me banim ne plazh dhe profesion tregtar u arrestua pasi gjate nje konflikti me shtetasin Eduart Meta 33 vjeç kane shkembyer zjarr me pistoleta mes tyre.

Si rezultat kane mbetur te plagosur dy kamarieret e nje lokali “Kalipso”, Sokol Shengjergji 28 vjeç dhe S. Rustani, 17 vjeç. Nderkohe policia ka shpallur ne kerkim Eduart Meten.

Nga hetimet e para rezulton se Lusha dhe Meta kane qene emigrante ne Itali dhe konflikti mes tyre ka nisur vite me pare ne shtetin fqinj.

Policia dyshon se behet fjale per pazare te prishura droge, po nuk eshte dhene asnje konfirmim zyrtar per kete. Pas ngjarjes dy personat jane larguar me shpejtesi nga lokali, po ne afersi te tij kane ndeshur 2 punonjes te policise se qarkullimit rrugor te cilet ishin afruar pas te shtenave ne zone.

Ne tentative per t’i shpetuar ndalimit 32-vjeçari Lusha ka qelluar me grushte ndaj tyre por nuk ka mundur te shpetoje. Ndaj tij rendojne akuzat e vrasjes se mbetur ne tentative, armembajtje pa leje dhe goditje per shkak te detyres.

Nderkohe vazhdojne kerkimet per personin tjeter, ndersa mesohet se dy kamarieret e plagosur jane jashte rrezikut per jeten.

Top Channel