Banka e Shqiperise ka vendosur serish qe te mos e ndryshoje normen baze te interesit per shkak se ekspertet e saj verejne se rreziku i inflacionit ne ekonomi po vjen ne rritje.
Ne mbledhjen e fundit Keshilli Mbikqyres i bankes thote se ekonomia nuk perfitoi nga ulja e cmimeve ne tregjet boterore, per shkak te dobesimit qe pati leku ndaj Euros.
Madje keshilli veren se per disa produkte importi zhvleresimi i lekut ka bere qe cmimet te rriten.
Ekspertet e bankes paralajmerojne se ndikimi i zhvleresimit te lekut ne ecurine e cmimeve pritet te shfaqet edhe me shume gjate muajve ne vazhdim edhe pse ata mendojne se inflacionit pritet te mbetet brenda objektivit 3 per qind. Por cmimet nuk jane i vetmi kercenim per ekonomine.
Nje tjeter shqetesim edhe me aktual sipas bankes eshte rritja e deficitit buxhetor pertej kufijve te parashikuar. Banka i kerkon qeverise vemendjen e duhur, per te bere te mundur ne çdo rast nje ecuri te balancuar te te ardhurave nga taksat dhe shpenzimeve per investime.
“Ruajtja e parametrave te planifikuar buxhetore do te ndihmoje kontrollin e ekuilibrave makroekonomike te vendit dhe do te lehtesoje administrimin e tregut te brendshem financiar,” thote keshilli mbikqyres ne njoftimin zyrtar.
Nje tjeter fenomen shqetesues qe banka mendon se kercenon ekonomine eshte perkeqesimi i pozicionit te jashtem financiar te vendit. Sipas te dhenave zyrtare bilanci i pagesave, treguesi qe mat hyrjet dhe daljet e valutes ne vend u perkeqesua me 5 here ne 4 muajt e pare te vitit, duke bere qe ekonomise t’i mungojne rreth 130 milione euro.
Banka thote se ky zhvillim eshte duke u monitoruar me kujdes per shkak te kercenimeve te mundshme qe ai mbart stabilitetin ekonomik dhe financiar te vendit.
Top Channel