Grada te reja per hetuesit e SHKB-se

14/06/2009 11:25

Miratohen gradat e reja per Drejtorine e Sherbimit te Kontrollit te Brendshem ne Ministrine e Brendshme.

Tashme, 82 efektivet e kesaj drejtorie, te cilet merren drejtperdrejt me zbulimin dhe procedimin penal te rasteve ku punonjesit e policise abuzojne me detyren, do te njihen me gradat e reja te tyre, e ne baze te tyre edhe me pagat.

Por, shume shpejt me strukturen e re dhe pas miratimit te ketij vendimi te Keshillit te Ministrave, ne organiken e SHKB-se do te shtohen dhjete punonjes me grade policore, pasi pjesa tjeter e saj nuk ka te tilla.

Ne vendimin per percaktimin e funksioneve korresponduese per gradat e personelit hetues ne SHKB te Ministrise se Brendshme, deklarohet se me kete eshte bere barasvlefshmeria e gradave te vjetra policore me gradat e reja.

Ne sistemin e ri, ngritja ne grade behet sipas afateve dhe kritereve, te percaktuara ne nenin 69 te ligjit nr. 10002, date 6.10.2008 “Per sherbimin e kontrollit te brendshem, ne Ministrine e Brendshme”. Me tej, ne vendim shpjegohet se ne funksionet e keshilltarit te drejtorit te pergjithshem te SHKB-se mund te caktohet cdo punonjes nga personeli hetues, pavaresisht grades qe mban.

“Gjate periudhes ne kete funksion, punonjesi ka te drejte te fitoje graden pasardhese, sipas kritereve e procedurave te percaktuara, i pakushtezuar nga ekzistenca e funksioneve te lira per grade”, eshte shkruar ne vendimin e Keshillit te Ministrave, i cili ka hyre ne fuqi prej pak ditesh.

Top Channel