Shtrenjtohen bonot e privatizimit

12/06/2009 15:35

Gjate mbledhjes se djeshme te Keshillit te Ministrave u vendos rifutja ne loje e letrave me vlere ne funksion te procesit te legalizimit te objekteve.

Sipas ketij vendimi, qytetareve u jepet e mundesia qe 80 % te vleres se objektit per privatizim ta paguajne me bono privatizimi.

Ky vendim i qeverise ka levizur sot procesin e shit-blerjeve te letrave me vlere ne treg, proces qe gjate gjithe kesaj kohe ka qene thuajse i ndalur.

Sipas tregtareve, gjate dites se sotme kane qene te shumte qytetaret qe kane shfaqur interes per te shitur apo blere bono privatizimi.

Dite me pare, sipas tregtareve, bonot e privatizimit bliheshin nga tregtaret me 3-4% te vleres, ndersa sot cmimi i blerjes se ketyre bonove shkon nga 6-8 % te vleres, nderkohe qe shiteshin me 10-12 % te vleres se tyre.

Edhe pse gjate dites qytetaret e interesuar per tregun e bonove kane qene te shumte, ata jane shfaqur skeptike persa i perket futjes ne tregetim te letrave me vlere, proces qe me pare nuk ka dhene asnje rezultat.

“Perdorimi i tyre per te kompensuar disa te ardhura monetare ne favor te legalizimit krijon nje amulli ekonomike dhe eshte tregues i nevojes per kesh qe ka qeveria. Gjithashtu, kjo tregon qe kapitalet e vjetra kane deshtuar dhe po krijohet nje mekanizem qe do te krijoje nje coroditje ne treg”, deklaron specialisti Zef Preci.

Top Channel