Topi: Partite te flasin per drejtesine

11/06/2009 15:10

Fushata elektorale me batutat dhe replikat e saj eshte ne kulmin e vet, duke zbuluar premtime konkrete, vecanerisht per fshatin, infrastrukturen dhe levizjen e lire.(UPDATE)

A ka vend per te folur edhe per reformen ne drejtesi, nje nga argumentat kryesore te legjislatures qe po leme pas? Presidenti i Republikes mendon se po.

Me cilesine e tij te kryetarit te Keshillit te Larte te Drejtesise, Presidenti mendon se reforma ne drejtesi eshte funksion i marredhenieve qe konsiderohen jetike per demokracine, sic jane marredheniet mes ekzekutivit, legjislativit dhe gjyqesorit. Ne funksion edhe te klimes elektorale, ai i ftoi haptazi partite te prekin kete argument.

“Eshte shume e rendesishme qe partite te prononcohen ne menyre elokuente per reformat qe kane te bejne me sistemin e drejtesise”, u shpreh Topi.

Presidenti kujtoi se mjaft ligje qe kane te bejne me sistemin e drejtesise miratohen me shumice te cilesuar, pra kerkojne konsensus te mese nje force politike. Duke mbetur te zgjedhjet, Presidenti theksoi pritshmerine e larte qe ekziston per Kolegjin zgjedhor, pas KQZ-se, shkalla e fundit e ankimimit per subjektet zgjedhore.

Presidenti perseriti edhe njehere nevojen per pjesmarrje ne zgjedhje, si nje tregues i demokracise, prej nga nevoja per t’u pajisur me urgjence per leternjoftime.

Top Channel