AI: Shqiperia, vend ku dhunohen grate

28/05/2009 10:55

“Amnesty international” jep alarmin per krizen e te drejtave te njeriut. Ne raportin per vitin 2009 eshte bere edhe vleresimi per Shqiperine, i cili evidenton si probleme kryesore trafikimin e femrave, shfrytezimin e femijeve, si dhe dhunen ne familje.

Ai ngre zerin edhe per incidente, tortura dhe keqtrajtim te te burgosurve ne komisariatet e policise dhe burgjet shqiptare. Per jetimet, raporti thote se u mohohet e drejta e strehimit.

Nje ne tre gra ne vend eshte e dhunuar. Vetem ne nente muaj gjate vitit 2008 jane raportuar 612 incidente te dhunes ne shtepi, ndersa shume te tjere mendohet se nuk jane raportuar. Autoritetet, vlereson raporti, kane marre masa per te shtuar mbrojten per viktimat, por shume pak raste kriminale kane perfunduar ne dyert e gjykatave. Grate dhe vajzat ne Shqiperi shpesh terheqin ankesat, pavaresisht kercenimeve te renda qe kane pesuar. Femrat vazhdojne te trafikohen si prostituta kryesisht ne Itali dhe Greqi.

Raporti permend edhe nisjen e hetimeve per tragjedine e Gerdecit, qe shtoi akuzat per korrupsion per disa zyrtare dhe ato per tregti te paligjshme armesh.

Persa i perket situates ekonomike raporti vlereson se niveli i papunesise mbetet i larte, pavaresisht se vazhdon progresi ekonomik. Me shume se 18 perqind e popullsise jeton nen minimumin jetik me 2 dollare ne dite, ndersa vuan nga mungesa e arsimimit, ujit, si dhe e sherbimeve shendetesore e sociale.

Lufta kunder korrupsionit ka prekur kryesisht zyrtaret e nivelit te ulet, ndersa besimi i publikut per sistemin gjyqesor eshte i ulet.

Top Channel