Ne ngerc shitja e INSIG

28/04/2009 19:55

Privatizimi i kompanise INSIG duket se ka hyre ne nje ngerc, i cili mund te nderlikoje procesin e shitjes deri ne deshtimin e tij.

Burime konfidenciale bejne te ditur per Top Channel se negociatat per shitjen e kompanise se vetme ende shteterore te sigurimeve jane te ngrira.

Kjo pasi sipas tyre, American Reserve Life Insurance, kompania qe u shpall fituese ne tender, po nguron te finalizoje procesin qe do i kalonte asaj 61 per qind te aksioneve te INSIG.

Lajmi per stepjen e amerikaneve konfirmohet ne menyre konfidenciale edhe nga burime brenda vete INSIG-ut.

Drejtues te larte te kompanise, te cilet nuk duan te identifikohen, thone se shoqeria fituese ne tender kerkon te shtyje procesin deri ne nje afat te pacaktuar, sa te permiresohet situata e zymte ekonomike dhe kriza e likuiditeteve.

Ende nuk eshte e qarte nese shoqeria amerikane eshte terhequr perfundimisht nga blerja e INSIG, apo po kerkon me teper kohe per te perfunduar transaksionin.

INSIG eshte sot kompania e trete ne tregun shqiptar te sigurimeve, ku sipas te dhenave me te fundit zyrtare ne tre muajt e pare te vitit ka realizuar nje xhiro prej rreth 225 milione leke.

Qeveria zhvilloi tenderin per shitjen e kompanise ne dhjetor te vitit te kaluar, ku u shpall fituese kompania American Reserve Life, e cila ofroi 25 milione euro per 61 per qind te aksioneve.

Pjesa tjeter e aksioneve, prej 39 per qind, zoterohet nga BERZH dhe Banka Boterore, te cilat kane respektivisht nga 19.5 per qind.

Top Channel