Miratohet rritja e pagave dhe pensioneve

28/04/2009 08:10

Berisha mblodhi dje ne mbremje ministrat per te marre vendimin e rritjes se pagave dhe pensioneve ne te gjithe vendin. Efekti financiar do te nise nga 1 maji, dy muaj para zgjedhjeve, kurse perfituesit do te jene rreth 650 mije pensioniste dhe buxhetore.

Berisha nuk preferoi t’i paraqiste shifrat ne krahasim me vitin e kaluar, por me 2005, duke paraqitur nje ekspoze te plote te rritjes. Perfituesit me te medhenj do te jene arsimtaret dhe infermieret, perfshi dhe disa kategori te tjera. Lidhur me pensionet, qeveria vuri ne zbatim premtimin per rritjen me 10 perqind te personave ne fshat dhe 5 per qind per qytetin, me qellim ngushtimin e diferences.

Nga data 1 maj 2009, do te kete rritje te pagave dhe pensioneve. Konkretisht, per rreth 44 mije arsimtare, paga dyfishohet ne krahasim me vitin 2005. Rritje dyfish te pages do te kene mjeket dhe infermieret, kurse per te gjithe 105 mije buxhetoret, paga mesatare shkon nga 27 mije leke qe ishte kater vjet me pare, ne 45 mije leke.

Pensionet minimale në fshat pësojnë rritje me 100 përqind, kurse maksimalet me 70 përqind. Pensioni i pleqërisë në qytet rritet me 42 përqind, kurse i invalidëve me 54 përqind. Në total, pensionet mesatare në qytet kanë pësuar rritje me 54 përqind.

Top Channel