Gjenerali i shquar Rrahman Parllaku u dekurua nga Ministri i Mbrojtjes, Gazmend Oketa ne 90 vjetorin e lindjes se tij me motivacionin “Per kontribut te shquar ne sherbimin e Atdheut, Kombit dhe Ushtrise Shqiptare”.
Miq e te aferm si dhe personalitete te vendit uruan ne kete dite te vecante gjeneralin Parllaku si dhe vleresuan kontributin e tij, mes tyre Liri Belishova. Vete Parllaku e konsideroi nje sadisfaksion te madh, nje pervjetor te tille. Gjenerali i tre epokave, vleresohet per kontributin e shquar gjate luftes antifashiste kunder okupatoreve italiane e gjermane, ku luftoi me trimeri dhe heroizem deri me 1945-en, duke mbetur i plagosur dy here e duke patur poste drejtuese.
Sot pas 90 vjetesh, ai mundohet te risjelle ne kujtese ulje-ngritjet e jetes se tij si dhe komenton transformimin e Ushtrise Shqiptare ne dekada, nga Traktati i Varshaves ne NATO.
“Jeta e tille eshte qe njeriu duhet ta perballoje si t’i vije. Po te flasesh per ushtrine, kjo nuk behet me dy fjale. Hyrja ne NATO eshte ne nderin e Shqiperise qe flamuri vihet ne radhen e pare te kombeve te tjera”, thote ai. Gjeneral Parllaku u denua pa te drejte nga diktatura me 25 vjet me akuzen “puc ushtarak”, duke vuajtur 17 vjet prej tyre ne nje nga burgjet famekeq, ate te Spacit.
Top Channel
