Mbajtesit e titujve shkencore “Profesor”, “Profesor i Asociiuar”, “Drejtues kerkimesh” dhe “Mjeshter kerkimesh” me daljen ne pension do te perfitojne nje pagese shtese me te larte se te tjeret.
Dje, ne mbledhjen e Keshillit te Ministrave, eshte vendosur qe per personelin akademik me keta tituj shkencore te kete nje pension suplementar ne nje mase te konsiderueshme, i cili mund te kape shifra rekord per pensionistet e sotshem.
“Eshte nje pension suplementar, i cili mund te shkoje deri ne kater here te pensionit baze te pleqerise, sipas ligjit perkates. Ky eshte nje lajm i gezuar per te gjithe Profesoret dhe Drejtuesit Shkencore, per Profesoret e Asociiuar dhe Mjeshtrit e Kerkimeve”, deklaroi dje menjehere pas mbledhjes se qeverise, ministri i Arsimit dhe Shkences, Fatos Beja.
Ai theksoi me tej se “ky eshte nje vendim i shumepritur, sipas kontakteve qe une kam pasur me profesoratin, me shume profesore te shquar, te cilet me dekada na kane dhene mesim te gjitheve, brezave te ndryshem shqiptaresh, te cilet jane ne prag te pensionit, ose perfitojne nderkohe qe jane ne pension”.
Sipas ministrit te Arsimit, te gjithe profesoret kane te drejte te perfitojne nje pension shteteror suplementar, qofte ata te cilet nuk kane mundur te japin nje kontribut suplementar, aq me teper ata te cilet jane ne funksion sot dhe do te kontribuojne dhe ne te ardhmen me nje perqindje, siç veprohet me te gjitha rastet e pensioneve suplementare.
Ministri Beja, gjate konferences, u beri serish thirrje studenteve te aplikojne per kartat e reja te identitetit. “I ftoj perseri te gjithe studentet, te cilet nuk kane nje pasaporte per jashte shtetit, te perfitojne nga mundesia qe kane, te shkojne prane fakulteteve ne te cilet studiojne, te paguajne vetem 200 leke dhe te marrin kuponin per te bere karten e identitetit”, u shpreh Beja. Ai ka shtuar se eshte mire qe studentet te ushtrojne detyren e tyre te qytetarit, duke pasur nje karte identifikimi, qe eshte e domosdoshme per çdo qytetar te te gjitha vendeve evropiane. “Ky do te ishte njekohesisht edhe nje kontribut individual, qe si qytetare te shkojme te gjithe ne zgjedhje”, vijoi me tej deklaraten e tij kreu i Arsimit shqiptar.
Top Channel
