Kryeministri Berisha ne mbledhjen e radhes te qeverise ka vijuar debatin per taksat me bashkine e kryeqytetit.
Duke shprehur kundershtite per ate qe e quajti goditje ndaj biznesit te vogel, kryeministri deklaroi se qeveria nuk do ta lejoje prekjen e barres fiskale per to.
“Ne nuk po bejme asnje arbitraritet, por po i vendosim atyre ate kufi qe i kemi vendosur vetes sone. Nuk mund te tolerojme asnje lloj barre fiskale”, u shpreh Berisha.
Kryeministri u shpreh ashper kunder projektit per venien e nje takse per automjetet qe hyjne ne Tirane nga zona te tjera te vendit, duke e cilesuar kete si nje projekt i kohes se feudalizmit.
“Nuk mund te ndodhe kjo dhe nuk do te lejohet asnje lloj barriere. Eshte nje ide me feudale se feudalizmi”, u shpreh Berisha.
Duke e vene theksin tek rritja e granteve per pushtetin vendor, kryeministri premtoi se ne mandatin e dyte qeveria do ta rrise serish ate per t’i dhene mundesine bashkive dhe komunave te investojne edhe me shume ne zonat e tyre.
Top Channel