Braktisja e shkolles, fenomen shqetesues

30/03/2009 20:15

Braktisja e shkollave eshte nje fenomen shqetesues jo vetem ne rrethe. Ne Bathore, pak kilometra larg Tiranes mesuesit e nje shkolle shprehen te shqetesuar per shifrat e larta te braktisjes si nga vajzat dhe nga djemte.

Keta te fundit, duke qene shpesh here te meshkujt e vetem te shtepise, e shohin veten pergjegjes per te siguruar te ardhura per familjen dhe ne vend te mesimit zgjedhin te dalin ne rruge te punojne.

“Jemi ne nje zone mjaft te varfer dhe pasdite ka femije qe merren me pune duke ndihmuar familjet ne lokale dhe duke shitur paketa”, deklaron mesuesi Zef Vladi.

Mesuesit e kesaj shkolle jashte kamerave deklarojne se vetem gjate vitit 2007-2008 ne te dy shkollat e bathores 65 nxenes kane braktisur arsimin dhe rreth 35 te tjere kane tendenca per t’u larguar.

Nxenesit largohen oren e katert dhe te peste te mesimit per te punuar si shites paketash, biletash apo qesesh. Shpesh keta femije nuk e kane babain dhe e ndjejne veten pergjegjes per te mbajtur familjen me para.

“Di tre veta qe kane lene shkollen dhe merren me paketa. Ata nuk vijne ne shkolle sepse s’kane leke”, tregon nje nxenes.

Por nuk eshte vetem varferia qe shkakton braktisjen. Mentaliteti, por edhe regjistrimi me vonese ne shkolle ka bere qe shume vajza te mos perfundojne as ciklin nentevjecar.

“Ka shume vajza qe mungojne per shkak te gjendjes ekonomike, fanatizmit te familjes dhe per shume arsye”, thote nje nxenese.

Por ne kete shkolle qe eshte fare prane metropolit shqiptar, nje pjese e nxenesve nuk ngjajne aspak te tille dhe ketu nuk bejme dot fajtor vetem varferine.

Nderkohe, burime prane Ministrise se Arsimit deklarojne se numri i femijeve qe braktisin shkollen ka ardhur ne renie.

“Disa prej nxenesve jane larguar jashte shtetit, nderkohe qe dy mesues po punojne per ata nxenes qe nuk e ndjekin dot shkollen. Nxenesit qe kane braktisur shkollen jane 1.8%”, ka saktesuar zedhenesja e MASH, Brikena Kollcinaku.

Top Channel