Gjyqesori, SHKGJ vlereson raportin e Euralius

20/03/2009 20:25

Nje dite pasi Top Channel beri publike disa kritika te projekt-raportit te Euralius mbi procesin legjislativ per drejtesine dhe gjyqesorin, kryetarja e Shoqates kombetare te gjyqtareve, Manjola Bejleri e pershendet dhe e vlereson projekt-raportin si teper profesional.

“Ne kete raport gjej te pasqyruar me perpikmeri cdo problem te gjyqesorit gjate ketij procesi, qe s’ka permbushur standartin e gjitheperfshirjes dhe marrjes se opinioneve te grupeve te interesit. Eshte shprehur nga ana e qeverise se ka probleme, por kjo nuk mund te justifikohet me nderhyrjen e ekzekutivit tek gjyqesori per te zgjidhur keto probleme. Te tre pushtetet jane te pavarura nga njeri-tjetri”, ka deklaruar Bejleri.

Ne sugjerimet e tij, projekt-raporti i Euralius e vinte theksin tek strategjia per drejtesine, e lene deri me tani ne harrese. Kryetarja e Shoqates kombetare te gjyqtareve ndan te njejtin mendim ne lidhje me rendesine e strategjise.

“Ne ndajme te njejtin mendim per hartimin e nje strategjie, por kjo strategji nuk u harta nga Ministria e Drejtesise dhe pasojat po i shohim me padite qe po behen ne Gjykaten Kushtetuese”, ka shtuar Bejleri.

Ne fakt, vete Shoqata kombetare e gjyqtareve ka paditur ne Gjykaten Kushtetuese dy nene te ligjit per organizimin dhe funksionimin e pushtetit gjyqesor, qe kane te bejne me kompetencat e kancelareve te gjykatave.

Te emeruar nga ministri i Drejtesise, gjyqtaret vleresojne se me keto kompetenca, kancelaret cenojne pavaresine e tyre.

Top Channel