Dy “Gerdece” ne Gjykaten e Larte

19/03/2009 14:55

Pervec dosjes penale, Gjykata e Larte do te shqyrtoje edhe padine e familjareve te viktimave te Gerdecit.

Prokuroria e Pergjithshme i ka bashkangjitur dosjes penale ne Gjykaten e Larte edhe kerkese padine e 11 familjareve per disa nga te pandehurit dhe institucionet kryesore, si kryeministria e Ministria e Mbrojtjes.

Familjaret e viktimava te vrara ne me 15 mars 2008 kane paditur ish-ministrin e Mbrojtjes, Fatmir Mediu, Ylli Pinarin, Mihal Delijorgjin, kompanine shteterore “Meico”, kompanine “Albademil”, Ministrine e Mbrojtjes dhe Kryeministrine.

Padia Civile qe i eshte bashkangjitur dosjes penale te prokuroreve ndodhet tashme ne duart e Kolegjit Penal qe do te gjykoje ceshtjen ne Gjykaten e Larte.

Burime te besueshme pohuan per Top Channel se menjehere pasi avokatet e familjeve te viktimave kane dorezuar ne Prokurorine e Pergjithshme kerkese padine per te qene pjese e maratones se gjykimit prokuroret e kane bashkuar ate me materialin e tyre.

Burimet thane se familjaret kerkojne 20 milione leke per cdo te vrare. Eshte hera e pare kur te demtuarit kerkojne te behen pale me prokurorine, dhe padisin organe apo perfaqesues te shtetit per demet.

Top Channel