Dita e Veres, Berisha sulmon Ramen

Pasi ka bere urimin per diten e veres, kryeministri Berisha ka prekur temen e ndjeshme te mjedisit per qytetin, kur inauguroi nje investim privat, qe e rrit prodhimin e celikut nga 50 mije tone ne 900 mije tone ne vit.

Ky investim prej 120 milione euro, jo vetem ruan mjedisin por dhe e ben Shqiperine nje vend te fuqishem per prodhimin e celikut ne rajon.

Gjate qendrimit ne Elbasan, kryeministri Berisha vizitoi panairin tradicional te qytetit, ku nuk shmangu premtimet elektorale, qe per Elbasanin lidhen me rrugen e re fushore qe e lidh ate me Tiranen. “Rruga do te vazhdoje dhe Elbasani do te kete rrugen tjeter te sheshte e fushore”, ka deklaruar Berisha.

Por kryeministri Berisha nuk ka qene politikani i vetem qe ka vizituar Elbasanin dhe panairin. Kryetari i Levizjes Socialiste per Integrim, Ilir Meta ishte ne panair, ku ka vizituar stendat e ndryshme dhe ka bere urimin tradicional per Diten e Veres.

Zoti Meta preferoi te mos jepte me fjale asnje mesazh politik, ndersa me veprime ai shmangu pershendetjet me nenkryetarin e Kuvendit, Neritan Ceka, i cili nuk iu bashkua koalicionit te LSI-se. “Kjo te jete nje dite qe sjell mbaresi, lumturi dhe suksese per te gjithe”, eshte shprehur Meta.

Por mesazhet politike nga Elbasani nuk i ka shmangur kryeministri Sali Berisha. Pasi mori pjese ne prezantimin e planit urbanistik te qytetit, kreu i qeverise i drejtoi nje kerkese kryetarit te bashkise se Tiranes, Edi Rama.

“Sot eshte dite feste, por shfrytezoj festen per t’i bere thirrje kryetarit te bashkise se Tiranes, qe te dorezoje planin urbanistik”, ka pohuar Berisha.

I menjehershem ka qene reagimi i bashkise se Tiranes. “Ky njeri qe nuk i le njerezit rehat as ne dite feste, as qe ka gjasa te kuptoje se nuk eshte populli sherbetori i tij, por eshte ai qe duhet t’i sherbeje popullit. Ky njeri e ka mbushur kupen dhe kupa po derdhet. Por me kete njeri nuk do te merremi ne kete dite feste, por ne dite te zakonshme”, ka deklaruar nenkryetari i bashkise, Eduard Shalsi.

Top Channel