Rrugoret, operacion kunder policeve te rreme

12/03/2009 08:10

Policia e Tiranes ka filluar nje aksion ne drejtim te evidentimit, kontrollit dhe ndeshkimin e drejtuesve te mjeteve, te cilet ne kundershtim me kerkesat e Kodit Rrugor, qarkullojne duke perdorur sinjalistiken dhe simbole te Policise se Shtetit.

Burimet zyrtare thane se per kete qellim, strukturat e policise rrugore ne bashkepunim me sherbimet e Rendit, kane vendosur te organizojne kontrolle te vazhdueshme, duke ndeshkuar ato drejtues mjetesh qe qarkullojne ne kundershtim me legjislacionin rrugor, te pajisur me sisteme te sinjalizimit pamor qe jane fenelina dhe sirena, duke i mbajtur ne vende te dukshme tabela dore apo autorizime ne kundershtim me ligjin.

Aktualisht jane ngritur pika kontrolli ne Tirane dhe Kavaje ne qytet dhe ne linja, ku jane konstatuar 90 drejtues automjetesh me shkelje. Policia tha se ndaj drejtuesve te mjeteve te cilet qarkullojne duke perdorur sinjalistiken e Policise se Shtetit do te vendoset gjobe, e cila varion nga 2000–5000 leke, deri ne pezullim te lejes se drejtimit.

Top Channel