Ekonomi, rriten interesat e bonove

Ne ankandin e fundit te Bankes, interesat e bonove njevjecare arriten ne 8.94 per qind, duke iu rikthyer serish niveleve me te larta, te shenuara perpara se banka te ulte normen baze te interesit me 0.5 pike perqindje.

Ekspertet e bankave private thone se interesat ne tregun e bonove po reflektojne kerkesen e madhe te qeverise per para borxh.

Sipas te dhenave zyrtare te Bankes qendrore, ne ankandin e fundit qeveria kerkoi borxh nga tregu rreth 7.41 miliarde leke.

Por si rralle here oferta e bankave per kete jave ka qene me e vogel, rreth 7.35 miliarde leke, cka ka ndikuar dhe ne rritjen e normave.

Kjo tkurrje e ofertes se bankave, sipas eksperteve, vjen per disa shkaqe. Se pari reflekton situaten shtrenguese te likuiditetit ne tregun boteror te financave dhe se dyti nje prirje te bankave private per t’i investuar parate e lira qe ato kane ne letra me vlere me afatgjata, kryesisht obligacionet disa vjecare.

Por zyrtaret e Bankes qendrore thone se keto levizje ne interesat e bonove jane momentale. Sipas tyre, ne nje afat me te gjate tregu do te reflektoje lehtesimin e politikes monetare, duke sjelle dhe renien e interesave.

Bonot e thesarit, me ane te te cilave qeveria merr borxh ne treg, jane instrumenti kryesor, mbi te cilat pervaltohen edhe interesat per kredite ne leke qe marrin qytetaret dhe bizneset.

Ndaj pergjithesisht rritja e interesave te bonove,  pervec rritjes se kostos se borxhit shteteror, paralajmeron edhe shtrenjtim te kredise per ekonomine.

Top Channel