Me 16 mars ne Tirane do te mberrije nje ekip nga Komisioni Europian, i cili do te vleresoje stadin ne te cilin ndodhet per permbushjen e kushteve per liberalizimin e vizave.
Lufta kunder krimit te organizuar, identifikimi i qytetareve dhe pajisja me leternjoftime e pasaporta biometrike dhe menaxhimi i kufijve jane tre prej kerkesave kryesore teknike, ne baze te te cilave ekipi monitorues nga Brukseli do te hartoje raportin per Komisionin Europian.
Ne prag te nisjes se verifikimit te situates ne vend, kryeministri Sali Berisha ka thirrur komitetin nderministror per liberalizimin e vizave. Kreu i qeverise u ka kerkuar ministrive te linjes te konsolidojne arritjet ne keto tre fusha.
Sipas kryeministrit Berisha, Shqiperia ka bere progres te dukshem ne kontrollin e kufijve dhe luften kunder trafiqeve, duke e nxjerre vendin nga harta e vendeve prej nga trafikohej droga ne Perendim.
Dhe per ecurine e procesit te identifikimit te qytetareve kryeministri Berisha eshte treguar optimist dhe shprehu besimin se ne muajin maj Komisioni do te kete nje vendim pozitiv per liberalizimin e vizave, te cilin e cilesoi si nje nga prioritetet kryesore te qeverise se tij.
Top Channel
