Bien bonot njevjecare

11/02/2009 17:00

Interesat e bonove te thesarit me afat njevjecar rane ne 8.79 per qind nga 8.9 qe ishin ne fund te muajit janar.

Ekspertet thone se tregu po fillon te pasqyroje efektet e uljes se normes bazee te interesit qe ndermori Banka Qendrore ne fund te janarit, por ngurojne te japin parashikime, se si do te jete ecuria e tyre ne te ardhmen.

Por edhe pas kesaj ulje te fundit interesat e bonove njevjecare jane ne nivelet maksimale dhe krahasuar me tre vjet me pare ato jane 2 deri ne 3 pike perqindje me te larta.

Sipas eksperteve faktori kyc qe percakton ecurine e interesave te bonove te thesarit eshte kerkesa e qeverise per borxh ne tregun e brendshem.Te dhenat zyrtare tregojne se dy vitet e fundit fluksi i huamarrjes se brendshme te qeverise ka qene konstant me rreth 25 miliarde leke.

Por per vitin elektoral te 2009-es, kerkesa e qeverise per borxh do te jete me e larte dhe sipas buxhetit do te arrije ne 41.5 miliarde leke, cka mund ta vere tregun ne presion duke sjelle interesa te larta.

Por kjo mund te kete efekte te tjera per ekonomine, pasi pervecse percaktojne koston e borxhit shteteror, bonot me afat njevjecar maturimi jane pika baze e referimit edhe per interesat e te gjitha kredive ne leke qe bankat japin per qytetaret dhe bizneset.

Top Channel