Davos, Berisha takon Barro

30/01/2009 19:30

Ne nje kohe kur pritet takimi sqarues mes trojkes europiane dhe qeverise shqiptare per ligjin e lustracionit, kryeministri Berisha eshte takuar ne Davos me zevendespresidentin e Komisionit Europian, Zhak Barro.

Por sipas kryeministrit, reformat e qeverise dhe ceshtja e liberalizimit te vizave ishte axhenda e bisedimeve me numrin dy te Komisionit Europain, i cili do te jape ne maj nje vleresim, nese Shqiperia i ka permbushur kushtet per liberalizimin e vizave.

“Ne muajin mars nje grup ekspertesh do te vijne ne Shqiperi per te pare perpjekjet tona dhe nga muaji maj, KE do te shqyrtoje dosjen e secilit vend per kriteret e vendosura”, ka deklaruar Berisha.

Ne Davos kryeministri Berisha zhvilloi, sic tha ai, nje takim te shkurter me keshilltaren e presidentit Barack Obama, Valerie Jarret, e cila ishte ne forum ne emer te presidentit amerikan.

“Qeveria ime eshte e vendosur te punoje ngushte me presidentin Obama dhe administraten e tij”, ka pohuar Berisha.

Nga ana tjeter, kryeministri ka plotesuar axhenden ekonomike te takimeve me presidentin e Azerbajxhanit Alijev, vendi i te cilit eshte burimi qe do te furnizoje me gaz gazsjellesin e transadriatikut, qe nepermjet Shqiperise kalon ne Itali dhe me pas ne Europen perendimore.

Top Channel