Zgjedhjet, Patozi: Komisioni me dy kryetare

20/01/2009 15:50

Nje komision i posacem me bashkekryetare. Kjo eshte forma qe Partia Demokratike propozon per funksionimin e komisionit parlamentar te kerkuar nje dite me pare nga kreu i socialisteve Edi Rama per monitorimin e pergatitjes se infrastruktures zgjedhore.

Sipas rregullores se parlamentit i takon mazhorances te vendose per drejtimin e nje komisioni, por ne kete rast, kreu i deputeteve demokrate, Astrit Patozi, propozoi drejtimin e komisionit nga dy forcat e medha per ta bere procesin sa me transparent.

“Ne nuk do te lejonim qe ky komision te formatohej vetem me deputete te opozites. Parlamenti ka disa rregulla dhe duke patur parasysh se kjo eshte ceshtje me interes te perbashket ne jemi dakord qe ky komision te kete dy bashkekryetare”, u shpreh Patozi.

Ndryshe nga komisioni i posacem per reformen zgjedhore, ky komision i ri nuk do te hartoje ligje, por do te monitoroje veprimet e Ministrise se Brendshme, drejtorise se Pergjithshme te Gjendjes Civile dhe pushtetit lokal per permbushjen brenda afateve te te gjithe kerkesave te Kodit Zgjedhor qe lidhen me pergatitjen e procesit elektoral te 28 qershorit.

Sipas Partise Socialiste zgjidhje emergjente kerkojne listat e zgjedhesve dhe pastrimi i rregjitrave elektronike nga dublikatet si dhe pajisja me leternjoftime e te gjithe personave qe nuk kane pasaporte.

Top Channel