Kriza ekonomike ka mbyllur 300 biznese te vogla ne qytetin e Korces. Qytetare te shumte vazhdojne te marrin ende ushqimet duke shenuar emrat ne lista te gjata, ndersa renia e fuqise blerese ka bere qe shume dyqane ushqimore brenda nje viti t’i vene kycin aktivitetit duke deklaruar mbylljen perfundimtare.
Qe nga buka, vezet, vaji dhe deri tek frutat e perimet, jane artikujt qe merren me veshtiresi nga klientet e dyqaneve te qytetit.
Tregtaret e pakices ne dyqanet ushqimore thone se klientet iu kane borxhe te shumta, ndersa aktiviteti i tyre i perditshem rrezikohet nga renia drastike e shitjeve dhe humbja e fitimit.
“Faktikisht kemi shume njerez qe kane nga 3-4 muaj qe nuk na kane dhene leket, 300 deri ne 400 mije. Lista eshte rritur. Kur marrin perkrahje sociale na japin, kur s’marrin jo”, shprehet pronarja e nje dyqani te vogel.
Shifra e bizneseve qe kane deklaruar mbylljen e aktivitetit konfirmohet nga drejtoria e te ardhurave te bashkise, qe e lidh kete fenomen me krizen ekonomike.
“Kane aplikuar per mbyllje te aktivitetit 300 subjekte. Kjo vjen nga veshtiresite ekonomike”, pohon drejtori i ketij sektori, Petrika Tollkuci.
Pasi mbyllin detyrimet ndaj tatim taksave, bizneset e vogla deklarojne falimentin. Nderkohe, ne gjykaten e rrethit te Korces jane zhvilluar disa procese gjyqesore administrative per shpallje falimenti nga firmat.
Top Channel