Francë, shpërthim mes karnavaleve. 18 të plagosur
02/04/2017 00:00
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Të paktën 18 persona kanë mbetur të plagosur, kur një zjarr i fuqishëm ka shpërthyer gjatë karnavaleve të zhvilluara në veri të Francës.
Shpërthimi ndodhi në fund të ceremonisë së “Yellow Carnaval”, në periferinë verilindore të Parisit, Villepinte, pasditen e së shtunës.
Videot e publikuara nëpër rrjetet sociale tregojnë shpërthimin e zjarrit të fuqishëm vetëm pak sekonda pasi dikush e kishte ndezur atë, duke shkaktuar edhe fluturimin e shumë mbetjeve.
Një nënë dhe fëmija i saj janë mes të plagosurve rëndë, ndërsa i dëmtuar ka mbetur edhe kryebashkiaku i qytetit, siç raporton “Le Parisien”.
Sipas “AFP”-së, prokurorët kanë nisur hetimet, ndërsa për momentin ende nuk dihet shkaku i shpërthimit. Një burim policie tha për rrjetin informativ “BFM” se shpërthimi mund të jetë shkaktuar nga lënda djegëse e përdorur për të ndezur atë që pritej të ishte pjesë e shfaqjes.
Top Channel
