Spanjë, s’ka më Palma de Mallorca. Quajeni thjesht Palma

Parlamenti rajonal i ishullit Balearik votoi për ndryshimin e emrit të martën, duke thënë se kjo ishte në përputhje me historinë e kryeqytetit rajonal, ndërkohë që prapashtesën “de Mallorca” e konsideronin si një “mbetje” të së shkuarës centraliste të Spanjës.

Shumica e banorëve vendas e quajnë qytetin thjesht Palma, ndërsa emri i shkurtuar shfaqet edhe në tabelat rrugore. Megjithatë, Palma de Mallorca është termi që mirëpret turistët e shumtë në aeroport, teksa përdoret edhe nga zyrat e qeverisë spanjolle dhe shumë harta.

Ky është ndryshimi i tretë që i bëhet emrit në vitet e fundit, e me shumë gjasa nuk do të jetë i fundit.

Ishin socialistët që në vitin 2008 e kthyen atë në Palma, por Partia Popullore e konservatorëve rivuri në përdorim emrin e gjatë Palma de Mallorca në vitin 2012, ndërsa premton se do ta bëjë sërish kur të vijë në pushtet.

Top Channel