Kokainë e lëngshme në shollën e atletes; kapet trafikanti në Romë
29/10/2016 00:00
Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Rasti i një trafikani droge të identifikuar nga autoritetet doganore në aeroportin e Fiumiçinos, në Romë, i ka dhënë një kuptim të ri termit “vrulli i drogës”.
Gjatë kontrollit të valixhes së një pasagjeri që po vinte nga Sao Paulo i Brazilit u gjetën një numër atletesh që rezultuan të mbushura me kokaine.
Zyrtarë të doganave që zhvilluan një operacion të përbashkët me policinë, vlerësuan se linja e fluturimit përfaqësonte një rrezik të lartë për trafikimin e lëndëve narkotike dhe për këtë arsye pasagjerët u vunë në shënjestër të kontrolleve.
Një valixhe me pak veshje por më shumë atlete shtoi edhe me shumë dyshimet dhe pas një shqyrtimi të imtësishëm u zbulua se pjesët e poshtme të këpucëve ishin falso e përmbanin një lëng të çuditëshëm brenda.
Në vend të xhelit që ofron komoditet për këmbët e personave që bëjnë vrap, testet zbuluan se substanca ishte në fakt kokainë. Shtetasi brazilian u akuzua për trafikimin e 7 kg kokainë, me një vlerë prej të paktën 2 milionë eurosh.
Top Channel
