Denoncimi i “Fiksit”, SGS: E dënojmë ashpër rastin

“SGS Automotive Albania” dënon ashpër rastin në fjalë dhe bën me dije se ka proceduar me largimin e menjëhershëm nga puna të punonjësit të përfshirë në këtë rast korruptiv, si dhe referimin e rrethanave të këtij fakti në organin kompetent të procedimit penal. Duke falënderuar redaksinë e këtij emisioni për evidentimin e këtyre praktikave korruptive, “SGS Automotive Albania” siguron se çdokush i përfshirë në këto praktika do të jetë subjekt i ndërprerjes së menjëhershme të marrëdhënies së punës”, lexohet në komunikatën zyrtare.

Më tej, “SGS Automotive Albania” garanton të gjithë qytetarët se është e vendosur të zbatojë me rigorozitet Kodin e saj të Integritetit, në shërbim të interesit publik, “prandaj vendos theksin në inkurajimin e denoncimit të këtyre praktikave nga çdo qytetar, i cili bëhet pre ose dëshmitar i tyre, në numrin tonë të telefonit: +355 44500480 dhe e-mail: [email protected]. Vëmë në vëmendjen tuaj sërish, se siguria rrugore është qëllimi ynë kryesor dhe lusim të gjithë qytetarët që marrin shërbimin e ofruar nga SGS,  të  paguajnë vetëm vlerën e tarifës zyrtare të kontrollit teknik të automjeteve”.

Top Channel