Procesi i numërimit të votave në Dibër është drejt përfundimit dhe kandidatin e së majtës, Muharem Rama e ndan vetëm zyrtarizimi nga fitorja e zgjedhjeve.
Kanë mbetur edhe pak kuti për të numëruar Rama kryeson ndaj rivalit të Partisë Demokratike me rreth 4 mijë vota avantazh.
Përgjithësisht, procesi i numërimit nuk ka patur probleme, përveç një rasti kur KZAZ ka kërkuar ndërhyrjen e policisë për të nxjerrë jashtë sallës së numërimit personat e paautorizuar.
Numërimi është mbyllur plotësisht në 7 njësi administrative dhe vijon numërimi në njësitë Kastriot, Lurë, Muhurri, Sllovë, Zallë-Dardhë dhe Zall-Reç.
Në KZAZ janë të pranishëm nga PD deputetët Ristani e Strazimiri, ndërsa Aldo Bumçi është larguar.
Procesi rifilloi rreth orës 10:45, me një seri ndryshimesh në radhët e anëtarëve të grupeve, të cilët iu nënshtruan trajnimit që në orët e para të mëngjesit.
Top Channel