Aksione në Kukës e Vlorë, asgjësohen 11.700 bimë narkotike
03/09/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Agjentë të komisariatit të Kukësit, në kuadër të operacioneve për kontrollin e territorit kanë gjetur rreth 2.700 bimë narkotike.
Sipas një njoftimi për shtyp, bimët janë gjetur të kultivuara në dy parcela, në fshatin Shëmri, në vendet e njohura si Përroi i Leprejve dhe Qafa e Mollës.
Agjentët i kanë asgjësuar bimët narkotike me anë të zjarrit, ndërsa kanë nisur hetimet për identifikimin e kultivuesve, shtojnë burimet.
Ndërkohë, në një aksion të ngjashëm policia në Vlorë ka asgjësuar 36 parcela me rreth 9.000 rrënjë bimë narkotike të llojit kanabis sativa.
Bimët narkotike u gjetën të mbjella në fshatrat Mifol, Aliban, Trevllazër, Kuç, Vezhdanisht, Karroq e Konispol dhe u asgjësuan me anë të zjarrit.
Edhe për këtë rast po punohet për identifikimin dhe kapjen e kultivuesve të këtyre bimëve narkotike.
Top Channel
