Greqi, arrestohet babai shqiptar dhunues i vajzave të tij
04/07/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Organet e policisë greke kanë arrestuar një shtetas shqiptar, 43 vjeç, me akuzën se detyronte për vite me radhë dy vajzat e tij, 15 dhe 17 vjeç, të rrinin më të shumtën e kohës të mbyllura në shtëpi, ndërsa i shante, i kërcënonte dhe shpeshherë ushtronte dhunë mbi to.
Ngjarja ka ndodhur në Velestino, një qytet i vogël me 5.000 banorë, 20 km në perëndim të Volosit.
Pas denoncimit që është bërë për shtetasin shqiptar, organet greke e kanë arrestuar dhe e kanë çuar në Prokurorinë e Volosit.
Ndërkohë janë marre në pyetje edhe dy vajzat e tij, të cilat do të vizitohen edhe nga mjeku ligjor, ndërsa konkluzionet e tij do t’i shtohen dosjes së akuzave të babait të tyre.
Për shkak se çështja është ende në hetim, nuk jepet ende identiteti i shtetasit shqiptar.
Top Channel
