Në një muaj ofensivë për të rimarrë nën kontroll qytetin e Falluxhës, forcat irakene të sigurisë kanë vrarë rreth 2.500 militantë të Shtetit Islamik.
Lajmin e ka bërë të ditur Ministria irakene e Mbrojtjes, që ka konfirmuar se u ka marrë xhihadistëve dy zona veri-perëndimore të qytetit sunit, i shtrirë në veri-lindje të Bagdadit.
Njoftimi vjen pak ditë nga ai i kryeministrit iraken Haider al Abadi, për ofensivën për marrjen e qytetit me mbështetjen e militantëve shiitë dhe forcave të koalicionit të udhëhequr nga SHBA.
Zyrtarët qeveritarë deklarojnë se 80 për qind i territorit të Falluxhës është tashmë nën kontrollin e ushtrisë, edhe pse luftimet vazhdojnë në disa zona ku fraksione të militantëve bëjnë ende rezistencë.
Gjatë luftimeve, banorët e Faluxhës me varka të vogla apo edhe me goma në vend të kamerdareve kkanë rrezikuar jetët e tyre për t’u larguar nga beteja, ndër më të ashprat e viteve të fundit në Irak.
Top Channel