Kubanët, indiferentë ndaj Kim Kardashian
06/05/2016 00:00
Sulm me armë zjarri në rezidencën e reperit të njohur Drake, plagoset rëndë roja e sigurisë
08/05 10:25
Kuba është kthyer në destinacionin e ditës. Që prej hapjes së vendit komunist, aty po ndalojnë të gjithë, duke filluar nga Barack Obama e deri te Gisele Bundchen, Carl Lagerfeld apo Vin Diesel.
Tendenca e ditës nuk kishte sesi i shpëtonte dhe klanit “Kardashian”. Pinjollja më e famshme e tij, Kim, mblodhi të tjerët për ta zhvendosur në ishullin e Karaibeve episodin e radhës të “reality show-t të familjes.
Vetëm se, ndryshe nga sa ndodh në Perëndim, kubanëve – thotë CNN, – nuk i ra mendja dhe aq shumë për Kimin, Kourtneyn, Khloen apo Kanye West. Pati nga ata që shkrepën foto e u mblodhën rreth makinës, por jo në nivelin me të cilin janë mësuar Kardashianët e ndjekur nga një ushtri e vërtetë truprojesh.
Nëpër rrugë më pas nuk u shty njeri për t’i parë. Por siç ka ndodhur rëndom, – vazhdon gjiganti mediatik amerikan, – aty ku janë Kardashianët ka polemika dhe postimi i një fotoje nga Khloe në Instagram, ku bjondja bukuroshe pozonte në një mur ku shkruhej “Fidel”, ngjalli reagimin e disa njerëzve, të cilët e cilësuan “të pandjeshme” ndaj jetës së kubanëve nën regjimin e egër të Castros.
Top Channel
