Zbogar, përfaqësuesi i ri i BE në Kosovë
21/12/2011 16:20
Presion nga Gjermania, Kosova mund të rikthejë mallrat e ndaluara nga Serbia
03/10 13:51
Shefja e Politikës së Jashtme të BE, Catherine Ashton ka konfirmuar sot në Bruksel emërimin e Samuel Zbogar në rolin e përfaqësuesit special të BE-së në Kosovë.
Lajmin e bën të ditur “REL”, që citon zëdhënësen e shefes së diplomacisë evropiane, Maja Kocijancic.
Zbogar kishte deklaruar më parë për mediat sllovene se kishte aplikuar për postin në fjalë muajin e kaluar, me shpresën se me eksperiencën e tij diplomatike në Ballkan do të zgjidhej.
Zbogar, ministër i Jashtëm në ikje i Sllovenisë, do të zëvendësojë në këtë post italianin Fernando Gentilini, të cilit i skadon mandati i tij në janar.
Sipas agjencisë franceze të lajmeve “AFP”, Sllovenia ka kritikuar vazhdimisht Catherine Ashton se nuk ka emëruar asnjë slloven si zyrtar të lartë në shërbimet e jashtme evropiane.
Top Channel
