Kriza, protesta të dhunshme në SHBA
03/11/2011 19:50
Stuhi, reshje shiu dhe dëbore godasin Shtetet e Bashkuara 24/11 08:35
Dhjetra protestues nga lëvizja “pushtoni Wall Street” u përplasën me policinë në Kaliforni të Shteteve të Bashkuara.
Protestuesit hodhën gurë dhe sende të tjera të forta kundër policisë, ndërsa kjo e fundit iu kundërpërgjigj me gazlotsjellës. Mbi 30 persona u arrestuan e dhjetra të tjerë janë paraqitur në qendrat shëndetësore nga lëndimet e marra.
Protesta nisi si paqësore gjatë gjithë ditës së mërkurë, por në orët e vona, një grup manifestuesish ngritën barrikada nëpër rrugët e Oklandit në Kaliforni dhe i vunë zjarrin atyre.
“Pushtoni Wall Street” ka si zanafillë manifestimet e para të mbajtura në Nju Jork si formë proteste kundër krizës financiare që po kalon SHBA, për të cilën, sipas protestuesve, përgjegjësi kryesorë është Wall Street.
Top Channel
