“Të pangjashmit”, libri i gazetarit Thoma Nika me portretet e 101 personave
23/04 12:47
Gjeniu i letrave shqipe, shkrimtari Ismail Kadare feston sot ditëlindjen e 84. Personaliteti shqiptar më i certifikuar. Fitues I Man Booker International Prize, 2005. Mbajtës i Çmimit të Asturias dhe Jeruzalem.
I vlerësuar anekënd botës, por edhe i nderuar me urdhrin më të lartë të Francës, Kalorës, Oficer dhe Komandant i Legjionit të Nderit, Kadare ka bërë që roli i veprës së tij në kulturën shqiptare dhe jo vetëm të jetë i pazëvendësueshëm. Akademia e Shkencave dhe Qendra Kombëtare e Librit dhe Leximit, I kanë nisur një kërkesë zyrtare çmimeve nobel për kandidaturën e tij.
Skënder Gjinushi, kryetar i Akademisë së Shkencave
Me vendimin nr 9, 16.1.2020. Kryesia e Akademisë së Shkencave të Shqipërisë i ka ripropozuar Akdemisë Mbretërore të Shkencave të Suedisë, kandidaturën e shkrimtarit dhe akademikut Ismail Kadare për Çmimin Nobel në Letërsi. Duke vlerësuar jo vetëm nderimin e tij në shkallë ndërkombëtare, por edhe rolin e pazëvendësueshëm në letrat shqipe. Gjuha jonë arriti shkallën më të lartë të fuqisë shprehëse me veprën e Kadaresë.
Alda Bardhyli, kryetare e Qendrës Kombëtare të Librit dhe Leximit
Kadare prej vitit 63 kur është botuar Gjenerali.., e ka futur letërsinë shqipe në ajkën e letërsisë botërore. Sa herë që flitet për veprat më të mira të shek 20 apo 21 Gjenerali i Ushtrisë së Vdekur , është prej 50 veprave më të mira botërore.
Kadare sot është i lexueshëm në 50 gjuhë të botës. Prej vitesh emri i tij është pjesë e listës së kandidaturave për Çmimin Nobel në Letërsi. Dhe po ashtu është cilësuar si jë ndër shkrimtarët më të mëdhenj bashkëkohore.
Top Channel
