“Një ditë kur do dilja me motrën e tij dhe me atë, ai më goditi me shkopinj që lahen çimentot, nuk donte të dinte çfarë kishte në dorë, ai vetëm më godiste.”
Kur Nela e njohu përmes Facebook-ut bashkëshortin e ardhshëm ishte 19 vjeç. E mbajti sekret lidhjen dhe kur prindërit e kundërshtuan fejesën , ajo u largua prej tyre. Por gjatë një viti e gjysmë martese vajza u izolua në shtëpinë e re dhe nuk iu dha aspak ngrohtësia që gjendet në familje. Vajza ishte shumë larg rolit që kërkoi t’i jepte familja e re.
“Gjithmonë niste sherri për punët e shtëpisë, e ëma më thoshte gjithmonë kjo nuk bën punë. Unë i bëja të gjitha punët e atyre. Sa dhe një ditë në mëngjes kam një zakon shumë të keq që rrobat kur i fus në lavatriçe nuk i kontrolloj xhepat, i fus ashtu siç janë. Se ai vëllai u ngrit në mëngjes o Nela ku i kam rrobat, unë i them që ti kam futur në lavatriçe, ulërimat e atyre sa e kisha lindur djalin”.
Filluan prapë me dhunë, shkoja si top sa tek njëri sa tek tjetri. Prap thoja… Anila Hoxha: Kush… të godisnin të gjithë?
E dhunuara: Po po të gjithë.
Dhunën nuk ia kursyen as kur ishte shtatzënë.
Fillova domethënë ti thoja do iki tek mami, filloi e ëma ti thonte “ O Marjus të kam thënë, rrihe por mos e lër me shenja. Siç bënte vëllai i tjetër me nusen, më ndaluan të vija tek mami im.
Dy telefona mi kanë thyer, një ma kanë hedhur nga ballkoni, një tjetër ma ka thyer Marjusi.
Për shkak të dhunës së vazhdueshme në muajin e nëntë të shtatzënisë, ajo u largua nga bashkëshorti derisa u bë nënë.
Kam lajmëruar edhe të jëmën e Marjusit dhe më ka thënë: Ike? Pse se durove Marjusin, burrë është do të të rrahi burri, edhe kështu që…
Shprehja “kush të rreh të do”?! Është e kotë, kush të rreh të do? Jo, nuk ma merr mendja se ai më ka dashur dhe më rrihte, jo jo.
Sidoqoftë Nela ia dha edhe një mundësi ish-bashkëshortit dhe familjes së re, por ata kërkonin nga nusja vetëm bindje. Situata ishte e njëjtë ,madje u përkeqësua edhe ndaj prindërve të saj.
“Jemi ngjitur lart jo për të bërë debate, absolutisht jemi futur si njerëz unë, bashkëshorti dhe të dy djemtë. Na kanë futu brenda na kanë mbyllur derën dhe na kanë rrahur”.
Ish-bashkëshorti i saj gjendet në burg, ndërsa Nela është kthyer tek prindërit, të cilët përveç nipit të vogël jetojnë edhe ata me urdhër mbrojtjeje.
Top Channel
