Ja si nisi konflikti mes 2 familjeve që filloi në Levan dhe vijoi në spitalin e Fierit

Çdo gjë ka vijuar normalisht dhe në lokal ka pasur klientë ashtu siç do ditë. Pronari i këtij lokali nuk pranoi të pronocohej për mediat, po ashtu ai nuk pranoi që grupi ynë i xhirmit të bentë filmime pranë biznesit të tij.

Shtëpitë e palëve të konflikutara në ngjarje ndodhen larg njëra tjetrës, dhe lokali ka qenë pika e takimit mes tyre. Top Channel pyeti banorët e zonës nëse ishin në dijeni se çfarë kishte ndodhur dhe se cila ishte arsyeja, por ata jashtë kamerës u shprehën se nuk ishin në dijeni se për çfarë kishte nodhur.

Por dy prej tyre thanë se konflikti kishte ndodhur për shkaqe banale, në këtë lokal. Gjithashtu grupi ynë i xhirimit shkoi edhe në shtëpine e të plagosurit Aleksandër Zhapa, por aty nuk u përgjigj askush.

Ajo çfarë ne kemi mësuar është se palët e konflikuara kanë pasur edhe një konflikt të mëparshëm, por mbetet e paqartë nëse konflikti i mbrëmjes së djeshme, ka pasur lidhje me konfliktin që ata kanë pasur më herët.

Disa orë pas ngjarjes të pesë të plagosurit vazhdojnë të qendrojnë në spitalin e Fierit dhe ndodhen jashtë rrëzikut për jetën. Megjithatë ka forca të shtuara të policisë që kanë marrë në ruajtje, të plagosurit dhe kontakti me ta është pothuajse i pamundur, megjithëse disa prej tyre duan që të prononcohen për mediat. Ndërkohë situata ditën e dielë është paraqitur e qetë dhe gjithçka në spitalin e Fierit po vijon normalisht.

Në Spitalin e Fierit ndodhet Aleksandër Zhapaj, që u plagos me armë në mjediset e urgjencës dhe dy djemtë e tij, Aldi dhe Gentjan dhe në reanimacion Klajdi Lamaj dhe Erlind Muçaj.

Ndërkohë në orët e para të mëngjesit të së dielës, në repartin e urgjencës janë paraqitur dy persona për të marrë mjekim, njëri prej të cilëve i plagosur me çifte. Daniel Braçe pasi ka marrë mjekimin e nevojshëm është shoqëruar nga uniformat blu në ambientet e paraburgimit. Ndërkohë edhe i ati Eqerem Brançe ka marrë ndihmë mjekësore pasi ishte me tension dhe takikardi.

Top Channel