Një nga shkaktarët kryesorë të aksidenteve në rrugë, është tejkalimi i shpejtësisë gjatë drejtimit të mjetit.

Në autostradën që lidh Kavajën me Rrogozhinën, në vetëm pak minuta, u konstatuan disa raste të tejkalimit të shpejtësisë edhe pse ajo e lejuar është 90km/h”.

Top Channel, ndoqi një ditë punë të Njësisë Operacionale për Sigurisë Rrugore, për të parë nga afër shkeljet që bëjnë drejtuesit e mjeteve duke ecur mbi normat e lejuara në rrugë.

Kjo njësi patrullon në të gjithë vendin, por megjithatë një pjesë e drejtuesve të mjeteve ende nuk janë ndërgjegjësuar.

Policia rrugore, në rast të konstatimit që mjeti po qarkullon me shpejtësi mbi 118 km në orë, kur norma është 90, bën menjëherë pezullimin e patentës.

Këto janë disa nga rastet kur këtyre mjeteve, pas njoftimit të dhënë për tejkalim shpejtësie, do t’u bëhet ndalimi nga një tjetër patrullë, në vazhdimësi të rrugës.

Për rastet e tejkalimit të shpejtësisë, policia rrugore prej disa kohësh aplikon edhe gjobat elektronike. Radari, i cili fikson targën e makinës e cila po ecën mbi normat e lejuara, i përcjell printerit të dhënat dhe drejtuesi i mjetit njihet menjëherë me masën administrative.

Top Channel