“South Outdoor” në Borsh. Edicioni i tretë i festivalit në funksion të turizmit

Festivali fton në edicionin e tij të tretë në datat 26-29 prill pjesëmarrës nga vendi dhe më gjerë për të përjetuar 4 ditë të mbushura me aktivitete sportive e kulturore, muzikë, traditë, natyrë dhe kuzhinë tipike shqiptare.

Gjatë ditëve do të zhvillohen mjaft forume tematike. Mbrëmjet do të vijojnë me një maratonë me performancë muzikore “live”. Artistët pjesëmarrës janë grupi legjendar “Elita 5”, Alban Nimani, “All in Band”, Venera Lumani dhe Lindi Islami si dhe Urban Band.

Festivali“South Outdoor” është nismë e GIZ përmes programit “Zhvillimi i Qëndrueshëm i Zonave Rurale”.

Anke Petersen, drejtuesja e programit, shprehet: “Ky festival nuk ka të bëjë vetëm me natyrën. Është edhe për sport, kulinari, muzikë, kulturë. Pse është i rëndësishëm dhe pse ne zgjedhim gjithmonë muajin prill është për një sërë arsyesh. E para është sepse duam të hapim sezonin më herët. Duam gjithashtu të ndyshojmë stereoptipin që jugu është vetëm për plazhet. Është për plazhet, por është gjithashtu edhe për malet, dhe për të githa atraksionet turistike që ofrohen aty gjithashtu”.

Ndërsa Dhurata Gazulli, koordinatore e projektit, deklaron: “Vërtet Festivali ndoidh në Borsh dhe Borshi do të jetë epiqendra e festivalit, por këtë vit kemi stacionime të ndryshme në pika të ndryshme. SIkurse vit për vit aktivitetet sportive shpërndahen në fshatra të tjerë të këtij rajoni, të këtij destinacioni ku turet e gjithë safarit shkojnë deri në Nivicë. Turet e bicikletave shkojnë në Corraj, por gjithashtu edhe turet hiking që shkojnë në fshatra të tjera. Idea është që jo vetëm promovojmë Borshin me anë të këtij festivali, por edhe fshatra të tjera të këtij rajoni”.

Edicioni i parë i festivalit “South Outdoor” u zhvillua në Pilur, ku ishin të pranishëm rreth 3000 pjesëmarrës, nga të cilët 600 vetëm për aktivitetet sportive. Ndërsa në edicionin e dytë, të organizuar në fshatin bregdetar të Vunoit, numri i vizitorëve u dyfishua në 6000 vetë.

Top Channel